بواسطة : عائشة الشهري
6:50 م - 2020/07/26 - 459
البدع من الشاعر – عبدالله بوجديح
صديت عني و الليالي خذنك
قل لي عسا ماشر صديت عني
طلب تني قلبي و عيني و جنك
ضحية غلطه و الخطا صار مني
اشيل حمل الهم و اقول عنك
وانا ظروفي دون صبري حدني
تستدرج اشعوري و تبني بفنك
على الاقل رجع شعوري و فني
ياليت تفهم قاصر الوصل منك
اثر على و صلي و جاه التدني
تقول فيني عمره ما خاب ضنك
طيب و انا عادي ليا خاب ضني
فيني جروح و من جروحي احنك
ولا فاد صمتي عن جروحي و حني
صديت عني و الليالي خذنك
دارت ليا ليها و عنك خذني
الرد من الشاعرة – عائشة الشهري
الي خذاه البعد والكبر عنك
في مقبل ايامه يشوف التعني
تنسى مع الأيام لو راح منك
هذا الجفا لوطال فيه التمني
تشيل حمل الحب ويخيب ظنك
“حب نبت بالقلب غير التبني ”
لو كل من حبيت يقفي بفنك
ماعاد ندري بالفرح من يغني
تسترجع الذكرى وتبكي لو انك
شيعي محبة الوفا منك سني
وان كان فيه اعجاب يمه سبنك
صابر على الزلات ماخاب ظني
ما ينفعك لا راح قولة محنك
أهل الهوى قلبك عليهم يوني
ومن راح يابو جديح ويصد عنك
في مقبل ايامه يشوف التعني